Сангийн сайд Ч.Хүрэлбаатар өнөөдөр 15.00 цагт нийгмийн даатгалын шимтгэл тэглэхтэй холбоотой асуудлаар мэдээлэл хийж байна

Засгийн газар өнгөрсөн баасан гарагт ээлжит бус хуралдаан хийж, дэлхий нийтээр тархсан коронавирусийн цар тахлын үед улсаараа эдийн засгийн хохирол багатай давах зорилгоор ДОЛООН ШИЙДВЭР гаргасан. Үүнд:

Дөрөвдүгээр сарын сарын 1-нээс эхлэн 10-р сарын 1-нийг хүртэл 6 сарын хугацаанд нийгмийн даатгалын шимтгэлээс ААН-үүдийг бүрэн чөлөөлж тэглэнэ. Бүх ААН, компаниудыг 26 хувийн татвараас чөлөөлнө.

Дөрөвдүгээр сарын сарын 1-нээс эхлэн 10-р сарын 1-нийг хүртэл 6 сарын хугацаанд иргэдийн цалин хөлснөөс орлогын албан татвар АВАХГҮЙ байхаар бүрэн чөлөөллөө. Гэхдээ:
-Коронавирусийн халдварын нөлөөгөөр төрийн албан хаагчдын орлого буураагүй учир Улсын төсвөөс цалин авдаг төрийн албан хаагчид
-Төрийн болон орон нутгийн өмчийн оролцоотой ААН-ийн албан хаагчид
-Улсаас зарласан тендер авч үйл ажиллагаа явуулж буй ААН-үүдийн тухайн тендертэй холбоотой гарсан ажиллагчдын НДШ-ийг ЧӨЛӨӨЛӨХГҮЙ. Тухайн ААН-үүд тендер авахдаа татварын зардлаа тооцоолж санхүүжилтээ авсан учир хүн амын орлогын албан татвараас чөлөөлөгдөхгүй. Үлдсэн бүх ААН-ийн албан хаагч орлогын албан татвараас чөлөөлөгдөнө. ХХОАТ-аас 526 мянган иргэн чөлөөлөгдөж байна.

Бүх шатны боловсролын байгууллагын үйл ажиллагааг зогсоосонтой холбоотой хэмнэгдсэн мөнгөөр 18 хүртэлх насны хүүхдэд сар бүр олгодог 20 мянган төгрөг дээр 10 мянган төгрөг нэмж, 3 сарын хугацаатай олгоно.
Дөрөвдүгээр сарын сарын 1-нээс эхлэн 10-р сарын 1-нийг хүртэл 6 сарын хугацаанд 1.5 тэрбум төгрөгөөс доош орлоготой ААН-үүдийн үйл ажиллагаанаас орлогын албан татвар авахгүй, бүрэн чөлөөлнө гэх мэт шийдвэр багтаж буй бөгөөд хэрхэн хэрэгжүүлэх талаар Сангийн сайд Ч.Хүрэлбаатар өнөөдөр мэдээлэл хийх гэж байна.
Тэрбээр, Дэлхийн бусад орнууд, тэр дундаа Монгол Улсын худалдаа эдийн засгийн гол түнш орнуудын төлөвийг харж тооцооллоо боловсруулсан. Нэгдүгээр сараас эхлэн хийсэн тооцоо судалгааны үндсэн дээр хийсэн бөгөөд энэ бол эцсийн арга хэмжээ биш юм. Дэлхийн банкнаас энэ онд дэлхийн эдийн засгийн өсөлт тэг хувь, БНХАУ-ын эдийн засаг л 2 хувьд өснө гэж тооцоолсон. Коронавирусийн Монголын эдийн засагт үзүүлэх нөлөөг бид нэг жилээр тооцоолсон.

2020 оны НӨАТ-ын буцаан олголтыг дөрөвдүгээр сарын 20-ны дотор 860 мянган иргэнд олгоно. Нэг хүнд дунджаар 47 мянган төгрөгийн буцааж олгоно. “Эрдэнэс Тавантолгой” компаниас ААН, иргэддээ олгох ногдол ашгийг тавдугаар сард багаан олгоно. 2 сая 511 мянга 332 иргэн ”Эрдэнэс таван толгой” компаниас 120 тэрбум төгрөг, 486 ААН 636 сая төгрөгийн ногдол ашиг авна.

Энэ бол түүхэндээ анх удаа Компанийн хуулийн дагуу олсон ашгаа хувьцаа эзэмшигч иргэд, ААН-үүддээ олгож буй юм. Энэ санхүүжилтийг улсын төсвөөс гаргахгүй, 2019 оны ашигтай ажиллагаанаас гаргаж буй ногдол ашиг. Мөн хувийн мэдээлэл зөрүүтэй зэрэг шалтгаанаар олгогдоогүй 292 мянган иргэний 8.1 тэрбум төгрөг хуримтлагдсан байгаа. Тэр мөнгийг мөн тавдугаар сард багтаан олгоно.

Цахилгааны төлбөрийг төлж амжаагүй бол цахилгаан таслахгүй, алдагдал тооцохгүй гэдэг чиглэл холбогдох байгууллагуудад өгсөн

Коронавирусийн халдварын энэ үед эрүүл мэндийн салбарт:

17 тэрбум төгрөгийн санхүүжилт коронавирусийн халдвараас сэргийлэхэд эрүүл мэндийн салбарт зарцуулсан. Мөн 20.6 тэрбум төгрөгөөр 570 орчим тоног төхөөрөмж худалдан авч, эмнэлгүүдэд хүргүүлсэн.

Засгийн газрын хуралдаанаар гарсан Эдийн засгийг ивэвхжүүлэх багцарга хэмжээг УИХ-д оруулах гэж байна. Азийн хөгжлийн банк 2.7 тэрбум төгрөгийн буцалтгүй тусламж үзүүлэхээ мэдэгдсэн. Нийтдээ эрүүл мэндийн салбарт 200-гаад тэрбум төгрөг зарцуулж байна.

Leave a comment

Your email address will not be published. Required fields are marked *


Fatal error: Uncaught Error: Call to undefined function jnews_encode_url() in /var/home/soninnet/public_html/wp-content/plugins/jnews-social-share/class.jnews-select-share.php:225 Stack trace: #0 /var/home/soninnet/public_html/wp-content/plugins/jnews-social-share/class.jnews-select-share.php(358): JNews_Select_Share::get_select_share_data('facebook', false) #1 /var/home/soninnet/public_html/wp-content/plugins/jnews-social-share/class.jnews-select-share.php(66): JNews_Select_Share->build_social_button('facebook') #2 /var/home/soninnet/public_html/wp-includes/class-wp-hook.php(287): JNews_Select_Share->render_select_share('') #3 /var/home/soninnet/public_html/wp-includes/class-wp-hook.php(311): WP_Hook->apply_filters(NULL, Array) #4 /var/home/soninnet/public_html/wp-includes/plugin.php(478): WP_Hook->do_action(Array) #5 /var/home/soninnet/public_html/wp-includes/general-template.php(3025): do_action('wp_footer') #6 /var/home/soninnet/public_html/wp-content/themes/twentynineteen/footer.php(54): wp_footer() #7 /var/home/soni in /var/home/soninnet/public_html/wp-content/plugins/jnews-social-share/class.jnews-select-share.php on line 225