Хөлбөмбөгийн статистик гаргадаг томоохон сайт “Bleacher report.com”-оос 2020 оны эхний гурван сард хамгийн өндөр үзүүлэлттэй байгаа хөлбөмбөгчдийн жагсаалтыг гаргахад “Аталанта” клубийн хагас хамгаалагч Жосеп Иличич нэгдүгээрт бичигджээ.

Жосеп Иличич аваргуудын лигийн шөвгийн 16-д “Валенсиа”-ийн эсрэг хоёр тоглоод тав, он гарснаас хойш Италийн Сериа А лигтээ найман тоглолтод оролцоод есөн гоол оруулсан.

Дээрх үзүүлэлтүүд нь Европын топ таван лигийн бүх тоглогчдыг тэргүүлж буй. Месси, Роналдо тэргүүтэй шилдэг тоглогчид лигтээ сайн байсан ч Жосеп Иличич шиг аваргуудын лигийн шөвгийн 16-д таван гоол оруулсан нэгэн байхгүй.

Эдгээр үзүүлэлтүүд нь оны шилдгийг тодруулах “Ballon Do’r” шагналыг хүртэхэд гол үзүүлэлт болох нь дамжиггүй. Коронавирусийн улмаас “Евро 2020” тэргүүтэй шигшээ багуудын оролцдог тэмцээн хойшлогдсон тул оны шилдгийг тодруулах гол үзүүлэлт нь аваргуудын лиг, улсын лигүүд болох юм.

Цар тахлын улмаас хойшлогдсон лигүүд хэзээ эхэлж, хэрхэн үргэлжилж, хэзээ дуусах нь тодорхойгүй хэвээр байна.

2020 он гарснаас хойш хамгийн шилдэг үзүүлэлттэй байгаа 10 хөлбөмбөгчин: 

  1. Жосеп Иличич “Аталанта” клуб /14 гоол оруулсны тав нь аваргуудын лигийн шөвгийн 16-д бүртгэгдсэн/
  2. Кристиан Роналдо “Ювентус” клуб /Есөн тоглолт дараалан гоол оруулсан/
  3. Лионел Месси “Барселона” клуб /”Реал Бетис”-ийн эсрэг гурван гоолын дамжуулалт өгч, “Айбер”-ийн эсрэг дөрвөн гоол оруулсан/
  4. Роберт Левандовски “Байерн Мюнхен” клуб /Найман тоглолтод есөн гоол, гурван гоолын дамжуулалт/
  5. Неймар Жуниорь “ПСЖ” клуб /Найман гоол, дөрвөн гоолын дамжуулалт. Аваргуудын лигийн шөвгийн 16-ийн хоёр тоглолтод тус бүр нэг гоол оруулсан/
  6. Килиан Мбаппе “ПСЖ” клуб /12 гоол, найман гоолын дамжуулалт/
  7. Циро Иммобайл “Лацио” клуб /11 гоол оруулсаны 3 нь хеттрик/
  8. Анхел Ди Мариа “ПСЖ” клуб /Есөн гоолын дамжуулалт/
  9. Тиаго Алкантар “Байерн Мюнхен” клуб /Он гарснаас хойш есөн тоглолтод 10 түлхүүр дамжуулалт өгсөн/
  10. Эрлинг Ааланд “Боруссия Дортмунд” клуб  /Боруссиа Дортмунд клубт очоод тоглосон эхний 57 минутдаа 5 гоол оруулсан/

Leave a comment

Your email address will not be published. Required fields are marked *


Fatal error: Uncaught Error: Call to undefined function jnews_encode_url() in /var/home/soninnet/public_html/wp-content/plugins/jnews-social-share/class.jnews-select-share.php:225 Stack trace: #0 /var/home/soninnet/public_html/wp-content/plugins/jnews-social-share/class.jnews-select-share.php(358): JNews_Select_Share::get_select_share_data('facebook', false) #1 /var/home/soninnet/public_html/wp-content/plugins/jnews-social-share/class.jnews-select-share.php(66): JNews_Select_Share->build_social_button('facebook') #2 /var/home/soninnet/public_html/wp-includes/class-wp-hook.php(287): JNews_Select_Share->render_select_share('') #3 /var/home/soninnet/public_html/wp-includes/class-wp-hook.php(311): WP_Hook->apply_filters(NULL, Array) #4 /var/home/soninnet/public_html/wp-includes/plugin.php(478): WP_Hook->do_action(Array) #5 /var/home/soninnet/public_html/wp-includes/general-template.php(3025): do_action('wp_footer') #6 /var/home/soninnet/public_html/wp-content/themes/twentynineteen/footer.php(54): wp_footer() #7 /var/home/soni in /var/home/soninnet/public_html/wp-content/plugins/jnews-social-share/class.jnews-select-share.php on line 225